निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमौली । भानु नगरपालिकाका मेयर उम्मेदवार श्रीराम पौडेलले कृषि र पशुपालनबाट नगरवासीलाई समृद्ध बनाउने बताएका छन् । कृषि र पशुपालन गर्ने नगरवासीको सङ्ख्या धेरै रहेकाले कृषकमैत्री नीति बनाउने पौडेलले बताए ।
‘कृषि र पशुपालनबाट नै नागरिकलाई धनी बनाउन सुरुरो दुई वर्षमै कृषि उत्पादन दोब्बर बनाउने गुरु योजना, नीति तथा कार्यक्रम लागू गरिनेछ,’ पौडेलले भने ।
पौडेल यतिबेला नगरपालिकाका विभिन्न वडामा घरदैलो अभियानमा सक्रिय छन् । घरदैलो अभियानबाट उत्साह मिलेको उनले बताए। ‘घरदैलोका क्रममा नगरवासीको सुझाव लिएको छु, नगरवासीकै सुझाव अनुसार अगाडी बढ्नेछु,’ उनले भने ।
