निष्पक्ष र विश्वसनीय खबरको सँगालो 
Khabar Punja
१९ कार्तिक २०८१, मंगलवार
दमौली । तनहुँमा चार दलबीच गठबन्धन गर्ने सहमति भएपनि भागबण्डा अझै टुंगिन सकेको छैन । शुक्रबार राति अबेरसम्म बसेको बैठकमा पनि गठबन्धनभित्र सहमति हुन नसकेको हो । शुक्रबार दिउँसो पनि गठबन्धनको बैठक बसेको थियो ।
बैठकमा सहभागी एक नेताका अनुसार नेकपा एकीकृत समाजवादीका कारण गठबन्धनको टुंगो नलागेको हो । नेकपा एकीकृत समाजवादीले हैसियत भन्दा बढी सिट मागेपछि समस्या भएको उनले बताए ।
नेकपा एसलाई भिमाद छाड्न कांग्रेस तयार देखिएको छ । तर नेकपा एसले भानु र शुक्लागण्डकीको मेयर माग गरेको छ। कांग्रेसले आफ्नो भाग सुरक्षित गरेर बॉकीमा भागबण्डा गर्नका लागि माओवादी र नेकपा एसलाई आग्रह गरेको छ।
एक माओवादी नेताका अनुसार तनहुँमा नेकपा एसले माओवादी भन्दा बढी भाग खोजेको बताए । ‘माओवादी भन्दा नेकपा एस ठूलो जस्तो गरेर व्यवहार गर्न खोजिएको छ,’ उनले भने ।
