निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
दमौली । क्यान्सर पीडित व्यवसायी वरुण भट्टराईको उपचारका लागि तनहुँ उद्योग वाणिज्य सङ्घले आर्थिक सहयोग गरेको छ । तनहुँ उद्योग वाणिज्य सङ्घ विमलनगर इकाईमा आबद्ध भट्टराईको उपचारमा सहयोग पुर्याउन सङ्घले एक लाख २५ हजार सहयोग गरेको हो ।
उक्त रकम सङ्घका अध्यक्ष पविन्द्रकुमार श्रेष्ठले शनिबार इकाई सभापति मार्फत् हस्तान्तरण गरेका छन् । व्यवसायीलाई दुख परेका बेला केही राहत होस् भन्नका लागि सहयोग गरिएको श्रेष्ठले बताए ।
सङ्घले स्थापना गरेको भलाई कोष मार्फत् उक्त रकम सहयोग गरिएको हो । भलाई कोष मार्फत् सङ्घले विरामी भएका व्यवसायी र मृत्यु भएका व्यवसायीका परिवारलाई सहयोग गर्दै आएको छ।
