निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमौली । तनहुँको ऑबुखैरेनी गाउँपालिकाले आइतबारदेखि टोलमै पुगेर व्यवसाय दर्ता/नवीकरण र कर संकलन अभियान सुरु गर्न लागेको छ । गाउँपालिकावासीलाई सहज रुपमा सेवा प्रवाह गर्ने उद्देश्य सहित टोलटोलमै पुगेर यो अभियान सुरु गर्न लागिएको हो ।
ऑबुखैरेनी-३ स्थित मनकामना चोकदेखि यो अभियान सुरु हुने गाउँपालिकाका अध्यक्ष शुक्र चुमानले जानकारी दिए ।
अभियानका क्रममा व्यवसाय दर्ता तथा नविकरणमा २० प्रतिशत छुट दिइएको छ। त्यस्तै हालसम्मको जरिवाना रकम पनि छुट गरिने बताइएको छ।
व्यवसाय दर्ता गर्दा महिला, दलित र अपाङ्गताको हकमा ५० प्रतिशत छुट दिइनेछ। अभियानका क्रममा आवश्यक पर्ने निवेदन, नविकरण निवेदन, बहाल सम्झौता, मुचुल्का र फोटोकपी सुविधा समेत गाउँपालिकाले उपलब्ध गराउनेछ ।
