निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
म्याग्दे । म्याग्दे गाउँपालिकाको आयोजनामा वडा नं ६ को सर्वलाङ्ग, क्षेत्रेभञ्याङमा र तिलाहारमा शुक्रबार एकीकृत घुम्ती शिविर सम्पन्न भएको छ । योसँगै गाँउपालिकाले आयोजना गरेको एकीकृत घुम्ती शिविर सबै वडामा सम्पन्न भएको छ ।
शिविर पूर्ण रुपमा सफल र जनताको उल्लेख्य सहभागिता रहेको गाउँपालिकाले जनाएको छ ।शिविरमा विरामीहरुको स्वास्थ्य परीक्षण, उपचार तथा औषधी वितरण गरिएको थियो ।
रगतमा ग्लुकोजको परीक्षण, खकार परीक्षणका लागि नमुना संकलन, औलोरोगको परीक्षण गरिएको थियो । जन्म, मृत्यृ, वसाई, सराई, एवं सम्वन्ध विच्छेदका दर्ता गरिएको थियो ।
शिविरमा महिलाहरुको पाठेघर परीक्षण र देखापरेका स्वास्थ्य समस्याको उपचार, व्यवस्थापन प्रेषण एवं परामर्श सेवा हुनेछ । परिवार नियोजन परामर्श सेवा, कोभिड १९ विरुद्धको पहिलो, दोश्रो र अतिरिक्त मात्रा खोप सेवा, आयुवैद सेवा, स्वास्थ्य विमा सेवा घुम्ती शिविरवाट सेवा दिईएको थियो ।
शिविरले स्थानीयवासीले घरदैलोमै सेवा पाएका छन् । यसले गर्दा सर्वसाधारणलाई राहत मिलेको प्रमुख प्रशासकीय अधिकृत नारायणप्रसाद अधिकारीले जानकारी दिए।
