निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमाैली । नेपाली कांग्रेसका तर्फबाट तनहुँ क्षेत्र नम्बर १ प्रदेश १ का उम्मेदवार अशोककुमार श्रेष्ठले घरदैलो अभियानलाई आक्रामक ढंगबाट अगाडी बढाएका छन् । मतदातालाई भेट्दै आफ्ना एजेण्डा सुनाएर आफूलाई मतदान गर्न आग्रह गर्दै श्रेष्ठले आक्रामक रुपमा घरदैलो अभियान अगाडी बढाएका हुन् ।
श्रेष्ठ केही दिन यता भानु नगरपालिकाका विभिन्न वडामा घरदैलोमा व्यस्त छन् । श्रेष्ठले भानु नगरपालिका–१२ ओख्लेस्थित पूर्व डिआइजी खोजबहादुर गुरुङसँग भेट गर्दै आफूलाई सहयोग गर्न आग्रह गरेका छन् ।
यस्तै श्रेष्ठले भानु नगरपालिका–९ बाइसजाँगरमा घरदैलो गरेका छन् । घरदैलोमा क्रममा स्थानीयले उम्मेदवार श्रेष्ठलाई स्वागत गर्दै विजयको शुभकामना दिएका थिए ।
यसैगरी श्रेष्ठले भानु नगरपालिका–९ रानागाउँमा घरदैलो गर्दै बाम लोकतान्त्रिक गठबन्धनका उम्मेदवरलाई विजयी गराउन आह्वान गरेका छन् ।
घरदैलोका क्रममा जनताबाट प्राप्त समर्थनले उत्साहित बनाएको बताउँदै श्रेष्ठले भने, “जनताको समर्थन नै मेरो जितको आधार हो ।”
