निष्पक्ष र विश्वसनीय खबरको सँगालो 
Khabar Punja
१८ बैशाख २०८१, मंगलवार
दमाैली । नेपाली कांग्रेसका वरिष्ठ नेता रामचन्द्र पौडेलले दुई र दुई जोड्दा पाँच हुने परिस्थिति आएको बताएका छन् । अहिलेको राजनीतिक परिस्थितिलाई टिप्पणी गर्दै पौडेलले दुई र दुई चार नभई पाँच हुने अवस्था आएको बताए ।
नेपाली कांग्रेस तनहुँले मंगलबार दमौलीमा आयोजना गरेको कार्यक्रममा बोल्दै पौडेलले भने, “गणितमा दुई र दुई जोड्दा चार हुन्छ, तर यहाँ त कहिले पाँच र कहिले तीन हुने अवस्था आयो ।”
पौडेल मंगलबार नै काठमाडौ फर्किएका छन् । पार्टी सभापतिले काठमाडौ आउन आग्रह गरेकाले उनी फर्किएका हुन् । अहिलेको अवस्थामा किन जिल्लातिर अलमलिएको भनेर सभापतिले फोन गरेको पौडेलले बताए ।
कांग्रेसको मुख्य धान अहिले राष्ट्रपतिमा छ । प्रचण्डलाई एमालेसँगको गठबन्धन टुटाएर आफूतिर ल्याउन कांग्रेसले जोड गरिरहेको छ । पौडेल आफै राष्ट्रपतिको आकांक्षी हुन् ।
