निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
काठमाडौं । वैशाख १० गते हुने निर्वाचनमा नेपाली कांग्रेसबाट तनहुँ १ का उम्मेदवार गोविन्द भट्टराईले आफ्नो जीत सुनिश्चित रहेको दाबी गरेका छन् ।
पार्टी कार्यालय सानेपामा सञ्चारकर्मीसँग कुरा गर्दै यसअघि पनि कांग्रेसको उम्मेदवार जितेको क्षेत्र भएकाले आफ्नो जीत सुनिश्चित रहेको दाबी गरे ।
उनले आफूलाई जिताउन सबै गठबन्धन लाग्ने विश्वास व्यक्त गरे । आफू अहिलेसम्म कुनै लाभको पदमा नरहे पनि तनहुँका जनताको सेवामा निरन्तर लागेको बताए। तनहुँ १ मा आफ्नै पहलमा ६० भन्दा धेरै खानेपानीका योजनाको काम गरिरहेको बताए । तनहुँको विकास निर्माणबारे पनि निरन्तर खटिरहेको बताए ।
उनले आफ्नो क्षेत्रमा राष्ट्रिय स्वतन्त्र पार्टीको जो उम्मेवादर बने पनि आफूलाई समस्या नपर्ने बताए ।
भट्टराईले भने, ‘यो बहुदलीय व्यवस्था हो । एउटै पार्टी पद्धति हुनुहुन्न । देशमा बहुदलीय व्यवस्था चाहिन्छ भन्ने हिँडेको मान्छे हो । धेरै दलहरुबीच राम्रो उम्मेवार हुनु मतदाताको लागि राम्रो हो । विगतको भोटको आधारमा पनि घण्टीले जित्ने आधार छैन ।’ (नेपाल प्रेसबाट)
