निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
काठमाडौ । नेकपा एकीकृत समाजवादीका नेता एवं बारा-४ का सांसद कृष्णकुमार श्रेष्ठ किसानले बजेट ठूला नेता र मन्त्रीको जिल्लामा मात्रै विनियोजन भयो की भन्ने अनुभूति भएको बताएका छन् । सांसद श्रेष्ठले अहिलेसम्मको छॉटकॉट हेर्दा र कुरा सुन्दा त्यस्तै भएको हुन सक्ने आशंका रहेको बताए ।
यद्यपि मन्त्रालयगत किताब हेरेपछि मात्रै यसबारेमा प्रष्ट हुने उनको भनाइ छ । उनले नीति तथा कार्यक्रमका बेला पनि आफूले बजेट मन्त्रीको जिल्लामा मात्रै विनियोजन भए आफूहरुलाई सैह्य नहुने बताएको स्मरण गरे ।
उनले भने, ‘हामी पनि जनप्रतिनिधि हौ, जनताबाट चुनिएर आएका हौ । हाम्रो क्षेत्र, जिल्ला र प्रदेश राम्रो होस् भन्ने चाहन्छौ ।’
बजेटका विषयमा आफ्नो पार्टीका अध्यक्ष माधवकुमार नेपालले पनि बोलिसकेको भन्दै यही अवस्था रहे बजेट हुबहु पास नहुने अवस्था समेत आउन सक्ने श्रेष्ठले चेतावनी दिए । ‘प्रधानमन्त्री र अर्थमन्त्रीलाई पनि भेटेर बजेटका विषयमा ध्यानाकर्षण गराउँछौ, उहॉहरुले यस विषयमा गम्भीर भएर सोच्नुपर्छ’ उनले भने ।
