निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमाैली । तनहुँको व्यास नगरपालिका–२ स्थित गणेशमानचोकमा रहेको व्यापारिक सटर साउन १ गतेदेखि जिल्ला समन्वय समितिको नाममा आउने भएको छ । जिल्ला समन्वय समितिको स्वामित्वमा रहेको फराकचौर ९÷ग हाल व्यास–२ गणेशमानचोकस्थित कित्ता नम्बर १६३७ को जग्गा साउन १ देखि स्वतः जिससको नाममा आउन लागेको हो ।
जिल्ला समन्वय समितिले विसं २०६९ साउन १ गतेदेखि दिपेश बस्नेतलाई भाडामा दिँदै आएको जग्गा भाडामा लिने दिनेबीच भएको पछिल्लो सम्झौता अनुसार २०८० असार मसान्त पश्चात् सम्झौताको म्याद समाप्त हुने र उक्त जग्गामा बनेको संरचना स्वतः जिल्ला समन्वय समितिको स्वामित्वमा आउने उल्लेख छ । उक्त सम्झौताको म्याद अब थप नहुने भनी जिसस तनहुँको विसं २०७९ माघ १५ को बैठकबाट निर्णय भएको छ ।
जिससले माघ २४ गते उक्त निर्णय निज बस्नेतलाई जानकारी गराइसकेको जिल्ला समन्वय अधिकारी थमनसिं थापाले बताए । उक्त सटर कोठा लगायतका संरचना २०८० साउन १ देखि जिससको स्वामित्वमा आउने र सो पश्चात् उक्त सटर खुल्ला प्रतिस्पर्धाबाट भाडामा लगाइने उनले जानकारी दिए ।
