निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
दमाैली । दमाैलीस्थित पेलिकन्स क्रिकेट क्लवले साेह्राै आधिकारिक क्रिकेट टुर सम्पन्न गरेकाे छ । पेलिकन्सले आफ्नाे विरासतलाई निरन्तरता दिँदै चितवनकाे इष्टर्न क्रिकेट एकेडेमीमा ६ म्याच टुर थपेर क्रिकेट टुर सम्पन्न गरेकाे हाे ।
पेलिकन्सले ४० ओभरको शृङ्खला १–३ ले जितेर र टी–२० मा २–० ले क्लिन स्वीप गर्दै यस भ्रमणमा उत्कृष्ट प्रदर्शन गरेको क्लवका सहसंस्थापक चन्द्रकान्त पाैडेलले बताए ।
उक्त खेलमा पेलिकन्सका समीर कँडेलले आफ्नो ब्याटिङ, बलिङ र विकेटकिपिङमा उत्कृष्ट प्रदर्शन गर्दै प्लेयर अफ दि सिरिजको उपाधि हासिल गरेका छन् । त्यस्तै दिनेश बुढा मगरले कठिन परिस्थितिमा धेरै अर्धशतकहरू प्रहार गर्दै आफ्नो ब्याटिङमा उत्कृष्ट प्रदर्शन गरेका थिए । जसका कारण उनी शृंखलाको उत्कृष्ट ब्याट्सम्यान बनेका थिए भने मुख्य विकेट लिने र सबैभन्दा किफायती बलर किरण भट्टराईले सिरिजको उत्कृष्ट बलर घोषित भए ।
