निष्पक्ष र विश्वसनीय खबरको सँगालो 
Khabar Punja
४ आश्विन २०८१, शनिबार
दमौली । मोहन बतास फाउन्डेसनले व्यास–१२ भड्खालास्थित मत्स्यकन्या आधारभूत विद्यालयमा शैक्षिक सामग्री वितरण गरेको छ। फाउण्डेशनले विद्यालयमा अध्ययनरत विपन्न २० जना विद्यार्थीका लागि झोला तथा शैक्षिक सामग्री वितरण गरेको हो ।
व्यास-३ धर भई हाल हङकङमा रहेका मोहन बतासद्वारा स्थापित फाउण्डेशनले आर्थिक रुपमा पिछडिएका विपन्न समूदायका बालबालिकाको शैक्षिक प्रोत्साहनका लागि झोला, कापी, कलम लगायतका सामग्री वितरण गरेको सस्थाका सचिव सर्जन थापाले जानकारी दिए ।
फाउन्डेसनका अध्यक्ष ओमराज श्रेष्ठले मोहन बतास एक सहयोगी भावना बोकेका व्यक्तिको कारण धेरै व्यक्ति तथा विपन्न समूदायलाई सहयोग गर्दै आएको जानकारी दिए ।
प्रधानाध्यापक सुनिता देवकोटाले व्यास नगरपालिकाबाट नजिक रहेर पनि विद्यालय भौतिक, खेलकुद तथा शैक्षिक रुपमा कमजोर रहेको बताइन् ।
