निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
काठमाडौं । रोमेलु लुकाकुको दुई गोल मद्दतमा जेनोअलाई पराजित गर्द इन्टर मिलान इटालियन सिरी एको अङ्क तालिकाको दोस्रो स्थानमा उक्लेको छ । इन्टरले जेनोअलाई उसैको मैदानमा ३-० ले पराजित गरेको हो ।
खेलको ३४औं मिनेटमा लुकाकुले गोल गर्दै इन्टरलाई अग्रता दिलाएका थिए । ८३औं मिनेटमा एलक्सिस सान्चेजले गोल गर्दै इन्टरको अग्रता दोब्बर पारे । इन्जुरी टाइमा लुकाकुले गोल थपेपछि इन्टरले सहज जित हात पारेको हो ।
जितपछि ३६ खेलबाट ७६ अङ्क जोडेको इन्टर एटलान्टालाई १ अङ्कले पछि पार्दै दोस्रो स्थानमा उक्लेको हो । एक खेल कम खेलेको युभेन्ट्स ८० अङ्कसहित शीर्ष स्थानमा छ । लगातार नवौं पटक सिरी ए उपाधि जित्ने लक्ष्यमा रहेको युभेन्ट्स उपाधि जित्न अब एक खेल टाढा छ ।
