निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमौली । तनहुँको म्याग्दे गाउँपालिका–४ मनहरीस्थित आदर्श नमूना क्लवको आयोजनामा चैत २० देखि सुरु हुने १२ औं आदर्श तथा सातौ तारा स्मृति कप सेभेन ए साइड फुटबल प्रतियोगिताको खेल तालिका सार्वजनिक भएको छ ।
सोमबार लक्की ड्र गरेर आयोजकले खेल तालिका सार्वजनिक गरेको हो । प्रतियोगितामा १६ टिमको सहभागिता रहेको छ । प्रतियोगिताको सम्पूर्ण तयारी पूरा भएको क्लवका अध्यक्ष अक्षय कायस्थले जानकारी दिए ।
प्रतियोगितामा विजेताले रु ७५ हजार र उपविजेताले रु ४० हजार नगद पुरस्कार प्राप्त गर्नेछ । क्लवले विगत २०६८ सालदेखि निरन्तर प्रतियोगिता आयोजना गर्दै आइरहेको छ । तनहुँ फुटबलको इतिहासमा बाह्र वर्षसम्म अनवरत रुपमा प्रतियोगिता आयोजना गर्ने आदर्श नमूना क्लवमात्रै रहेको दावी गरिएको छ।
