निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । तनहुँकाे म्याग्दे गाउँपालिका-४ स्थित थर्पु युवा क्लवले दुई बिरामीकाे उपचारका लागि आर्थिक सहयाेग गरेकाे छ । क्लवले स्तन क्यान्सर र एपेन्डिक्सबाट थलिएकी दुई जनालाई उपचारमा सहयाेग पुर्याउन आर्थिक सहयाेग गरेकाे हाे ।
थर्पुका स्तन क्यान्सर पीडित सुनकुमारी मल्लकाे उपचारका लागि रु दश हजार सहयाेग गरिएकाे क्लवका अध्यक्ष नवराज हमालले जानकारी दिए । उनकाे बारेमा जानकारी पाएपछि पीडितकाे घरमै पुगेर सहयाेग गरिएकाे गाैरवराज रानाले जानकारी दिए।
यस्तै म्याग्दे गाउँपालिका-१ बाख्रे निवासी एपेन्डिक्सबाट थलिएकी सलिना गुरुङलाई पाँच हजार पाँच सय सहयाेग गरिएकाे छ । आर्थिक अभावमा उपचारबाट वञ्चित उनकाे उपचारका लागि सहयाेग पुर्याउन उक्त रकम शनिबार घरमै पुगेर हस्तान्तरण गरिएकाे छ ।
