निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
दमाैली । तीन दिनदेखि सम्पर्कविहिन भएका तनहुँकाे आँबुखैरेनी गाउँपालिका-४ का नवदम्पत्ति भेटिएका छन् । आँबुखैरेनी गाउँपालिका-४ दुवावेशीका साैरभराज गुरुङ र उनकी श्रीमती पाेखरामा शकुसल भेटिएका हुन् । उनीहरु पाेखरास्थित विश्व परिवारकाे ध्यान शिविरमा रहेकाे खुलेकाे छ ।
आँबुखैरेनी-४ का वडा सदस्य प्रेमबहादुर गुरुङले मङ्गलबार मात्रै सामाजिक सञ्जाल मार्फत् उनीहरु सम्पर्कविहिन भएकाले खाेजीका लागि सहयाेग गर्न अनुराेध गरेका थिए ।
चार वर्षदेखि साउदीमा रहेका उनी केही समय अगाडी बिदामा आएका थिए । बिदामा आएका बेला उनले विवाह गरेका थिए । विवाह पश्चात् पाेखरा घुम्न जाने भनेर हिँडेका उनीहरुले परिवारलाई खबर नगरेपछि परिवार चिन्तित बनेका थिए ।
