निष्पक्ष र विश्वसनीय खबरको सँगालो 
Khabar Punja
१४ आश्विन २०८१, मंगलवार
दमौली । तनहुँको ऑबुखैरेनी गाउँपालिकाका अध्यक्ष शुक्र चुमानले ऑबुखैरेनी गाउँपालिका चोकदेखि बजार क्षेत्रसम्मको सडकको चिप्लो भाग डोजर लगाइदिने चेतावनी दिएका छन् ।
उक्त क्षेत्रमा दिनहुँजसो दुर्घटना हुने गरेको र सडक मर्मतका लागि पटक-पटक आग्रह गर्दा पनि काम नभएपछि चुमानले उक्त चेतावनी दिएका हुन् ।
उनले भने, ‘आँबुखैरेनी पालिका देखि चोकसम्मको सडक खण्ड मा दर्जनौ सवारी साधन दुर्घटनाको कारण अलकत्रा बग्नु विटुमन व्लिडिङ भन्ने हजार पटक जानकारी अनुगमन र तत्काल मर्मत को आश्वासन पाइयो । तर काम भने भएन ।’
चाड पर्व नजिकिदै जाँदा सडक चाप पनि बढ्ने हुदा झन् अकल्पनीय घटना नहोला भन्न नसकिने चुमानको भनाइ छ । उनले भने, ‘प्रकृयाकै समस्या हो भने पालिकालाइ जिम्मेवारी देउ हामी आफै बनाउछौ भन्दा पनि मिल्दैन । आज बेलुकासम्म पनि सम्बन्धित पक्ष मर्मत गर्न नआए डोजर लगाएर चिप्लो भाग फाल्ने जानकारी गराउँदछौ । यति धेरै दुर्घटना हुँदा पनि न संघीय मन्त्री न सङ्घीय जनप्रतिनिधिले संघीय सरकारको दायित्व भित्र को यो सडक मर्मत गर्न पहल नगर्नु दुखद कुरा हो ।’
