निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमाैली । तनहुँ क्रिकेट लिगको उपाधि आयोजक दमौली क्रिकेट क्लवले जितेको छ । व्यास नगरपालिका–५ पाटन खेलमैदानमा आइतबार सम्पन्न फाइनल खेलमा बैरेनी युवा क्लवलाई १४ रनले पराजित गर्दै आयोजक दमौली क्रिकेट क्लवले उपाधि जितेको हो ।
टस जितेर पहिले व्याटिङ गरेको दमौली क्रिकेट क्लवले निर्धारित २० ओभरमा अलआउट हुँदै एक सय ७८ रन बनाएको थियो ।
जवाफी व्याटिङ गरेको बैरेनीले २० ओभरमा नौ विकेटको क्षतिमा लक्ष्य भेटाउन सकेन ।
यसअघि शनिबार भएको पहिलो खेलमा दमौली राइभल्सलाई पराजित गर्दै बैरेनी युवा क्लव फाइनल प्रवेश गरेको थियो । त्यस्तै दोस्रो खेलमा मनकामना युवा क्लवलाई पराजित गर्दै दमौली क्रिकेट क्लव फाइनल पुगेको थियो ।
उपाधिसँगै विजेता आयोजक दमौली क्रिकेट क्लवले नगद रु ३० हजार र उपविजेता बैरेनी युवा क्लवले नगद रु १५ हजार प्राप्त गरेको आयोजक क्लवका अध्यक्ष प्रविण पौडेलले जानकारी दिए ।
