निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमाैली । लियो क्लब अफ दुलेगौँडा खैरेनी सिटीको १४ वार्षिक उत्सव तथा चार्टड डे काे अवसरमा साेमबार शुक्लाण्डकी नगरपालिका वडा नम्बर ९ स्थित प्रसिद्ध धार्मिक स्थल ढोरबराही मन्दिरमा सरसफाई तथा पाँच थान डस्टबिन वितरण गरिएकाे छ । क्लवले मन्दिरमा फाेहरमैला व्यवस्थापनका लागि डस्टविन सहयाेग गरेकाे हाे ।
कार्यक्रममा लियो डिस्ट्रिक्ट ३२५ एम नेपालका डिस्ट्रिक्ट प्रेसिडेन्ट प्रेमराज तिवारी, लायन्स डिस्टिक ३२५एम अन्तर्गत लायन्स क्लब अफ दुलेगौँडा खैरेनी सिटीका थर्ड भाइस प्रेसिडेन्ट राम प्रसाद लम्साल, सचिव विष्णुप्रसाद अर्यालको उपस्थिति थियाे ।
क्लबले विगतदेखि नै सामाजिक कार्यमा अग्रपंक्तिमा रहेर काम गर्दै आइरहेको अध्यक्ष विवेक वाग्लेले जानकारी दिए । विगत १४ वर्षदेखि निरन्तर प्रत्येक महिनाको ८ गते जिपी कोइराला स्वास्थ्य उपचार केन्द्रमा आँखा शिविर पनि सञ्चालन गर्दै आइरहेको उनले बताए ।
