निष्पक्ष र विश्वसनीय खबरको सँगालो 
Khabar Punja
५ माघ २०८१, आईतवार
दमौली । पृथ्वीराजमार्ग अन्तर्गत तनहुँको बन्दीपुर गाउँपालिका–५ याम्पाफाँटमा आइतबार बिहान मोटरसाइकल दुर्घटना हुँदा एक जनाको मृत्यु भएको छ ।
मुग्लिनबाट दमौलीतर्फ आउँदै गरेको बागमती २-०२-००३प९९४२ नम्बरको मोटरसाइकल अनियन्त्रित भई दुर्घटना हुँदा मोटरसाइकल चालक महोत्तरी घर भई हाल व्यास नगरपालिका–२ बस्ने २२ वर्षीय सुमित साहको मृत्यु भएको हो ।
जिल्ला प्रहरी कार्यालय तनहुँका प्रहरी निरीक्षक विकास पासवानले मृतकका साथबाट आदिकवि भानुभक्त क्याम्पसको परिचयपत्र भेटिएको जानकारी दिए । मोटरसाइकल अन्दाजी १५ मिटर तल दुर्घटनाग्रस्त अवस्थामा भेटिएको थियो ।
