निष्पक्ष र विश्वसनीय खबरको सँगालो 
Khabar Punja
४ माघ २०८१, शनिबार
दमौली । तनहुँको व्यास नगरपालिका–३ मा रहेको जिल्ला सभागृहको सञ्चालनको जिम्मेवारी व्यास नगरपालिकाले लिने भएको छ । जिल्ला समन्वय समितिको स्वामित्वमा रहेको उक्त सभागृहको सञ्चालन अब व्यास नगरपालिकाले गर्न लागेको हो ।
जिल्ला सभाले उक्त सभागृहको सञ्चालनको जिम्मा लिन व्यास नगरपालिकालाई प्रस्ताव गरेकामा नगरपालिकाको आइतबार बसेको कार्यपालिकाको बैठकले सञ्चालनको जिम्मा लिने निर्णय गरेको प्रवक्ता सुरेश थापाले जानकारी दिए ।
शहरी विकास मन्त्रालयको रु २३ करोड ६२ लाख ४३ हजार तीन सय ३१ को लागतमा सभागृह निर्माण सम्पन्न भएको हो । उक्त सभागृहको गत वर्षको असोज ६ गते उद्घाटन गरिएको थियो ।
