निष्पक्ष र विश्वसनीय खबरको सँगालो 
Khabar Punja
९ पुष २०८२, बिहीबार
दमाैली, २२ भदाै । निजामती सेवा दिवसको अवसरमा मालपोत कार्यालय तनहुँले आज पहिलो सेवाग्राहीलाई सम्मान गरेको छ । कार्यालय पहिलो सेवा लिन आउने भानु नगरपालिका–११ का दीपबहादुर थापालाई कार्यालयले फूलको गुच्छा सहित सम्मान गरेको हो ।
घरायासी कामका लागि ऋण लिन भानुस्थित जनज्योति बचत तथा ऋण सहकारी संस्थाबाट धितो पासका थापा मालपोत कार्यालय आएका थिए । सम्मानित भएपछि थापाले सरकारी कार्यालयबाट छिटो छरितो सेवा पाउनुपर्ने उल्लेख गरे ।
मालपोत कार्यालय प्रमुख केशव सुवेदीले सरकारी तथा सार्वजनिक निकायले सेवाग्राहीलाई सम्मानपूर्वक सेवा दिनुपर्छ भन्ने सन्देश दिन पहिलो सेवाग्राहीलाई सम्मान गरिएको बताए । उनले भने, “सार्वजनिक निकायका लागि सेवाग्राही नै सबैकुरा हुन भन्ने कुरा बुझ्नु र बुझाउनु जरुरी छ ।” सुवेदीले कार्यालयमा आएका सेवाग्राहीलाई निजामती कर्मचारी तथा सेवाग्राहीको सुमधुर सम्बन्धले मात्रै सार्वजनिक सेवा प्रवाह प्रभावकारी हुने भन्दै सहकार्य गर्नुपर्नेमा जोड दिए ।
