निष्पक्ष र विश्वसनीय खबरको सँगालो 
Khabar Punja
२० मंसिर २०८२, शनिबार
दमाैली, १५ कात्तिक । हरिबोधनी एकादशीको अवसरमा दमौलीस्थित सेतीमादी नदीमा पाँच वटा फूलको तोरण तारिएको छ । व्यास नगरपालिका–३ देउरालीनगर र ऋषिङ गाउँपालिका–१ झापुटारस्थित सेती नदीमा आज पाँच वटा फूलको तोरण तारिएको हो ।
व्यास नगरपालिकाका विभिन्न ठाउँमा ल्याइएको फूलको तोरण नदीमा तारिएको हो । व्यास नगरपालिका–३ दमौलीका तारानाथ घिमिरेले फूलको तोरण तार्दा दुवैपट्टि लिङ्गो राखेर तार्ने प्रचलन रहँदै आएको जानकारी दिए ।
सेतीमादी नदीमा विभिन्न ठाउँबाट ल्याइएका फूलको डोली सेलाउने काम समेत गरिएको छ । एकादशी मेला भर्न विभिन्न ठाउँबाट भक्तजन दमौली आएका थिए ।
