निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
दमौली, १५ मंसिर । म्याग्दे गाउँपालिका–४ छिम्लिस्वाँरास्थित मणि युवा क्लवको आयोजनामा मङ्सिर १७ गतेदेखि तेस्रो मणि कप सेभेन ए साइड फुटबल प्रतियोगिता हुने भएको छ । समाज परिवर्तनका लागि युवा अभियान भन्ने नारासहित म्याग्दे गाउँपालिकास्तरीय फुटबल प्रतियोगिता आयोजना गर्न लागिएको हो ।
स्थानीय स्तरबाटै फुटबल खेलाडी उत्पादन गर्ने लक्ष्यसहित प्रतियोगिता आयोजना गर्न लागिएको क्लवका अध्यक्ष सङ्गम थापाले जानकारी दिए । प्रतियोगितामा विजेतालाई नगद रु ४० हजार र उपविजेतालाई रु २५ हजार नगद पुरस्कार प्रदान गरिनेछ । प्रतियोगिता मनहरि खेलमैदानमा सञ्चालन गरिनेछ ।
क्लवको २५ औं वार्षिकोत्सवको अवसर पारेर फुटबल प्रतियोगिता गर्न लागिएको हो । समाजसेवी मणिराज रानाको सम्मानमा स्थानीयहरुले विसं २०५७ सालमा क्लव स्थापना गरेका थिए ।
