निष्पक्ष र विश्वसनीय खबरको सँगालो 
Khabar Punja
२९ पुष २०८२, बुधबार
दमौली । तनहुँ उद्योग वाणिज्य संघको अध्यक्षमा इमकुमार मल्ल सर्वसम्मत निर्वाचित हुने भएका छन् । निर्वाचन प्रकिया अनुसार सोमबार उम्नेदवारी दर्ता रहेकामा अध्यक्षमा मल्लको मात्रै उम्मेदवारी परेको हो ।
अघिल्लो निर्वाचनमै मल्ललाई अध्यक्ष बनाउने सहमति भएको थियो । उनी हालका वरिष्ठ उपाध्यक्ष हुन्।
वरिष्ठ उपाध्यक्ष पदमा कुमार मल्ल र सुबोध अधिकारीको उम्मेदवारी परेको छ ।
त्यस्तै प्रथम उपाध्यक्ष पदका लागि दिनेशकुमार श्रेष्ठ, सुरेश पुरी र दीपक कोइरालाको उम्मेदवारी परेको छ ।
द्वितीय उपाध्यक्ष पदमा प्रकाशचन्द्र हड्खले, राजकुमार श्रेष्ठ र भिमलाल श्रेष्ठको उम्मेदवारी परेको छ ।
कोषाध्यक्ष पदका लागि शिवओम मल्ल, भूपाल आले मगर र महेशकुमार मल्लको उम्मेदवारी परेको छ ।
यसैगरी वस्तुगत सदस्य पदतर्फ अधिकृत विक्रेता संघ, नेपाल पुस्तक तथा स्टेशनरी व्यवसायी महासंघ जिल्ला शाखा तनहुँ र तनहुँ सुनचाँदी व्यवसायी संघको उम्मेदवारी परेको छ ।
निर्वाचन प्रकिया अनुसार मंगलबारसम्म उम्मेदवारी फिर्ताको समय रहेको छ ।
