निष्पक्ष र विश्वसनीय खबरको सँगालो 
Khabar Punja
३० चैत्र २०८२, मंगलवार
काठमाडौं, १ वैशाख । अर्थमन्त्री डा. स्वर्णिम वाग्लेले नयाँ वर्षको अवसरमा सम्पूर्ण नेपाली जनतामा हार्दिक शुभकामना व्यक्त गरेका छन्।
उनले नयाँ वर्षले सबैमा नयाँ उत्साह, आशा र जिम्मेवारीको भावना जागृत गराओस् भन्ने कामना गरेका छन्। विगतका अनुभवबाट सिक्दै समृद्ध नेपाल निर्माणको यात्रामा सबै एकताबद्ध भएर अघि बढ्नुपर्ने उनले बताएका छन्।
अर्थमन्त्री वाग्लेले आर्थिक स्थायित्व, सुशासन र अवसरको विस्तारमार्फत प्रत्येक नागरिकको जीवनस्तर उकास्ने लक्ष्य रहेको उल्लेख गरेका छन्। साथै, नयाँ वर्षले सकारात्मक सोच, परिश्रम र इमान्दारितासहित अघि बढ्ने ऊर्जा प्रदान गर्ने विश्वास व्यक्त गरेका छन्।
सन्देशको अन्त्यमा उनले सबै नेपालीमा सुख, शान्ति, समृद्धि तथा उत्तरोत्तर प्रगतिको कामना गर्दै नयाँ वर्षको शुभकामना दिएका छन्।
