निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
तनहुँ / शुक्लागण्डकी नगरपालिकामा २६ जनालाई अपाङ्गता परिचयपत्र वितरण गरिएको छ । सामाजिक विकैस शाखाले गत वर्ष छुट भएकालाई अपाङ्गता परिचयपत्र वितरण गरेको हो ।
‘क’ वर्गको ४ जनालाई, ‘ख’ वर्गको १५ जनालाई, ‘ग’ वर्गको ६ जनालाई र १ जनालाई ‘घ’ वर्गको परिचयपत्र वितरण गरिएको सामाजिक विकास शाखा प्रमुख हिमा पोखरेलले जानकारी दिनुभयो । परिचयपत्र पाएकाले चित्त नबुझेमा कार्यविधी अनुसार संशोधन गर्न निवेदन दिन सक्ने पोखरेलले बताउनुभयो ।
योसँगै शुक्लागण्डकीमा ६ सय १२ जनाले अपाङ्गता परिचयपत्र लिएका छन् । गत वर्ष नगरपालिकाले दुलेगौँडामा स्वास्थ्य शिविर नै चलाएर ५ सय ८६ जनालाई परिचयपत्र वितरण गरेको थियो । नगरमा ‘क’ वर्गको १ सय ४४ जना, ‘ख’ वर्गको २ सय ४५ जना, ‘ग’ वर्गको १ सय ४५ जना र ७८ जनाले ‘घ’ वर्गको परिचयपत्र वितरण पाएका छन् ।
