निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
तनहुँ । वर्षाका कारण घर भत्किएका तनहुँकाे शुक्लागण्डकी नगरपालिका–२ एक्लेखेतका कुमार विकलाई लायन्स क्लव अफ शुक्लागण्डकीले जस्तापाता सहयोग गरेको छ । घर भत्किएर समस्यामा पर्नुभएका विकलाई क्लवले मङ्गलबार दुई वण्डल जस्तापाता सहयोग गरेको हो ।
पीडित विकको अनुरोधमा उहाँलाई तत्कालका लागि आवश्यक १२ फुटको दुई वण्डल जस्तापाता हस्तान्तरण गरिएको क्लवका संस्थापक अध्यक्ष तीर्थराज खनालले जानकारी दिनुभयो । “जहाँ आवश्यकता त्यहाँ लायन्स” भन्ने नारालाई अङ्गिकार गर्दै क्लवले समस्यामा पर्नेहरुलाई विभिन्न सहयोग गर्दै आइरहेको छ ।
कार्यक्रममा वडाध्यक्ष जगत बहादुर गुरुङ्, क्लवका जोन चेयरपर्सन प्रदीप थापा, क्लबका अध्यक्ष मिन बहादुर, लामिछाने, पूर्व अध्यक्ष एवं जनप्रतिनिधि बुद्धि बहादुर थापा, जनप्रतिनिधि नर बहादुर पुन, क्लबका निवर्तमान अध्यक्ष सुरेन्द्र पौडेल, प्रथम उपाध्यक्ष दिपेन्द्र थापा, द्वितीय उपाध्यक्ष सुमन सापकोटा, तृतीय उपाध्यक्ष सुरेन्द्र तामाङ, सचिव खुम बहादुर राई, कोषाध्यक्ष विजय अर्याल लगायत सहभागी हुनुहुन्थ्यो ।
