निष्पक्ष र विश्वसनीय खबरको सँगालो 
Khabar Punja
१ जेष्ठ २०८१, मंगलवार
पाेखरा । गण्डकी प्रदेशका मुख्यमन्त्री पृथ्वीसुब्बा गुरुङले समृद्ध नेपाल, सुखी नेपालीको राष्ट्रिय आकाङ्क्षालाई पूरा गर्न साझा दायित्वबोध आवश्यक रहेकोमा जोड दिनुभएको छ । २६ औं विश्व आदिवासी दिवस (अगष्ट ९) को अवसरमा आइतबार शुभकामना दिनुहुँदै मुख्यमन्त्री गुरुङले सबै एकताबद्ध भई लाग्न आजको दिनले सबैलाई प्रेरणा प्रदान गर्ने उल्लेख गर्नुभयो ।
मुख्यमन्त्री गुरुङले संवैधानिक र कानूनी रुपमा प्राप्त आदिवासी जनजातिका सामाजिक, सांस्कृतिक, राजनीतिक र आर्थिक अधिकारको व्यवहारमा प्रयोग र रक्षा गर्दै थप अधिकारको सुनिश्चितताका लागि शान्तिपूर्ण, संवैधानिक र लोकतान्त्रिक माध्यमबाट अगाडी बढ्नुपर्ने बताउनुभयो ।
नेपालमा बसोबास गर्ने प्रत्येक नेपाली समुदायलाई आफ्नो भाषा, लिपि, संस्कृति, सांस्कृतिक सभ्यता र सम्पदाको सम्बद्र्धन एवं संरक्षण गर्ने मौलिक हकको व्यवस्था संविधानमा स्पष्ट उल्लेख भएको मुख्यमन्त्री गुरुङले बताउनुभयो । लामो समयदेखि जारी लकडाउन हटेपनि कोभिड–१९ को जोखिम कायमै रहेको हुँदा आवश्यक सुरक्षा र सजगता अपनाउन मुख्यमन्त्री गुरुङले अपिल गर्नुभएको छ ।
