निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
पाेखरा । गण्डकी प्रदेशका आर्थिक मामिला तथा याेजनामन्त्री किरण गुरुङले राष्ट्रकवि माधवप्रसाद घिमिरेकाे निधनप्रति दु:ख व्यक्त गर्नुभएकाे छ । मङ्गलबार सामाजिक सञ्जालमार्फत् मन्त्री गुरुङले स्व. घिमिरकाे निधनप्रति दु:ख व्यक्त गर्नुभएकाे हाे ।
मन्त्री गुरुङले जबसम्म हिमाल रहन्छ, तबसम्म उहाँकाे उचाई चुलिरहने बताउनुभयाे । उहाँले भन्नुभएकाे छ, “जबसम्म नेपाल र नेपाली रहन्छ, तबसम्म उहाँ बाँचिरहनुहुन्छ, जबसम्म हिमाल रहन्छ, तबसम्म उहाँको उचाइ चुलिरहन्छ । स्व. राष्ट्रकविप्रति मेरो हार्दिक श्रद्धा सुमन ।”
मन्त्री गुरुङले स्व. घिमिरेकाे भौतिक शरीर हामी बीच नरहे पनि उहाँले छाडेर जानुभएको अमरकृतिहरूमा सदैव नेपाल र नेपालीका बीच बाँचिरहने बताउनुभयाे ।
