निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
तनहुँ : तनहुँको व्यास नगरपालिका-१० दुम्सीकोटमा एम्बुलेन्स सञ्चालन गरिने भएको छ । नेपाल रेडक्रस सोसाइटी दुम्सीकोट उपशाखाले एम्बुलेन्स सञ्चालन गर्न लागेको हो ।
एम्बुलेन्स खरिदका लागि इश्वर पौडेलको संयोजकत्वमा अर्थ संकल समिति गठन गरिएको छ । सोही कार्यक्रममा एम्बुलेन्स खरिदका लागि सहयोग गर्न आव्हान गरिएसँगै रु तीन लाख २० हजार भन्दा बढी रकम संकलन भएको छ ।
रेडक्रस उपशाखा सभापति रामदत्त पौडेलले कठिन अवस्थामा शुरु गर्न लागिएको यो अभियानमा सबैको सहयोग आवश्यक रहेको बताउनुभयो । उहॉका अनुसार आठ महिनाभित्र एम्बुलेन्स सञ्चालनमा आउनेछ ।
शुक्रबार दुम्सीचौरमा आयोजित कार्यक्रममा नेपाल रेडक्रस सोसाइटीका केन्द्रीय सदस्य प्रदीप घिमिरेले एम्बुलेन्स खरिद गर्ने अभियानमा केन्द्रीय समितिको सहयोग रहने बताउनुभयो ।
सोसाइटीका जिल्ला सभापति कृष्णहरि वाग्लेले संगठन विकास, विपत् व्यवस्थापन, सामुदायिक स्वास्थ्य एवं हेरचाह र अन्तर्राष्ट्रिय सम्बन्ध अन्तर्गत हाल विपद् व्यवस्थापन र सामुदायिक स्वास्थ्य सेवामा सक्रिय रहेको सन्दर्भमा एम्बुलेन्स सेवा एक उदाहरणीय कार्य भएको बताउनुभयो ।
