निष्पक्ष र विश्वसनीय खबरको सँगालो 
Khabar Punja
१३ कार्तिक २०८३, शुक्रबार
तनहुँ, १३ कात्तिक । नेपाली काङ्ग्रेस शेरबहादुर–शशांक पक्षधरको तनहुँ क्षेत्र नम्बर १ को अधिवेशनबाट क्षेत्रीय सभापतिमा व्यास–१४ का वडाध्यक्ष काजीमान श्रेष्ठ निर्वाचित भएका छन् ।
शुक्रबार सम्पन्न अधिवेशनबाट तनहुँ क्षेत्र नम्बर १ प्रदेश १ को सभापतिमा तारानरेश पौडेल र तनहुँ क्षेत्र नम्बर १ प्रदेश २ को सभापतिमा रामदेव पन्थ निर्वाचित भएको घोषणा गरिएको छ ।
यस्तै व्यास नगर सभापति कृष्णप्रसाद सोती, आँबुखैरेनीको सभापतिमा भिष्मकान्त गौली, बन्दीपुरको सभापतिमा रामकृष्ण विक, भानु नगरको सभापतिमा गोविन्द जिसी र देवघाटको सभापतिमा प्रमोद निर्वाचित भएका छन् ।
जिल्ला संयोजक प्रा.डा. कृष्णप्रसाद गौतमले जिल्लाका ६२ वडाको अधिवेशन सम्पन्न भएको जानकारी दिए ।
