निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
तनहुँ : विद्यार्थीको आर्कषण बढ्दै गएको कानुन विषयको पढाई अब दुलेगौँडास्थित पञ्चमूनीदेव माध्यमिक विद्यालयमा शरु हुने भएको छ । यो शैक्षिक शत्रबाट कक्षा ११ मा कानुन विषयको पढाई थाल्न विद्यालयले अनुमति पाएको छ । विद्यालयले भर्ना आह्वान समेत गरेको छ ।
जिल्लाको नुमना विद्यालय घोषित विद्यालयले अभिभावक र विद्यार्थीको मागलाई मध्यनजर गर्दै कानून विषयको कक्षा सञ्चालन गर्न लागेको प्रधानाध्यापक ध्रुवकुमार मल्लले बताउनुभयो । ‘कानूनको पढाई थाल्नुपर्यो भनेर अभिभावककाे माग थियो । विद्यालयबाट एसईई उत्तीर्ण भएका विद्यार्थी पनि यही विषय पढ्नलाई पोखरा काठमाडौं गएको पायौँ । त्यसैले विद्यार्थीको सहजताको लागि यस वर्षदेखि उक्त विषय थप गरेका छौँ,’ उहाँले भन्नुभयो ।
यस क्षेत्रमा पहिलो पटक उक्त विषयको पढाई शुरु हुने भएपछि विद्यार्थीलाई पोखरा काठमाडौँ धाउनुपर्ने बाध्यता हट्ने भएको छ । अभिभावक र विद्यार्थीको रोजाईको केन्द्र पञ्चमूनीदेवले २०६६ सालदेखि विज्ञान, व्यवस्थापन र शिक्षा संकायमा दश जोड दुईका पढाई शुरु गरेकामा २०७५ मा प्राविधिक धारतर्फ पशुविज्ञान विषय थप गरेको विद्यालयका सूचना अधिकारी लक्ष्मण पुरीले जानकारी दिनुभयो ।
फाईल तस्बिर
