निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ: तनहुँबाट लोक दोहाेरीमा क्रियाशील गायक शङ्कर पन्तले वर्कशप सञ्चालनमा ल्याउनुभएको छ । तनहुँको शुक्लागण्डकी नगरपालिका–२ गाछेपानीमा बिहीबार विश्वकर्मा पूजाकाे अवसर पारेर कैलाश अटो मोबाईल्स शप तथा कैलाश अटो ईन्जिनियरिङ वर्कशपको शुभारम्भ गरिएको छ ।
उक्त वर्कशपको गण्डकी प्रदेशका आन्तरिक मामिला तथा कानुनमन्त्री हरिबहादुर चुमानले उद्घाटन गर्नुभयाे। व्यावसायिक सफलताको शुभकामना दिँदै मन्त्री चुमानले कैलाश अटो वर्कशपले युवा उद्यमशीलतामा प्रेरणा प्रदान गर्ने विश्वास व्यक्त गर्नुभयो । युवाहरूले वैदेशिक रोजगारकाे सट्टा स्वदेशमा नै सम्भावनाको खोजी गर्नुपर्नेमा उहाँले जोड दिनुभयो । उहाँले तीनै तहका सरकार युवालाई रोजगार गराउन प्रयत्नशील रहेको बताउनुभयो ।
गायक पन्तले सन्देश ढुङ्गाना (सुमन)सँग सहकार्य गरी करीब ३ करोडको लगानीमा वर्कशप सञ्चालन गर्नुभएको हो । कैलाश अटो मोबाईल्स शप तथा अटो ईन्जिनियरिङ वर्कशपमा जुनसुकै कम्पनीका चारपाङ्ग्रे सवारी साधनहरूको खरिद, बिक्री, साटफेर गरिनुका साथै मोटर पाट्स उपलब्ध गराईने र सम्पूर्ण गाडीहरूको डेन्टपेन्ट, मर्मत गरिने उहाँले जानकारी दिनुभयो ।
