बेपत्ता भएका पाँचै जनाको शव भेटियो
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • लुम्बिनी

    बेपत्ता भएका पाँचै जनाको शव भेटियो

    खबरपुञ्ज संवाददाता

    ९ आश्विन २०७७, शनिबार

    पाल्पा : पाल्पाको रम्भा गाउँपालिका–२ फोक्सिङकोटमा बिहीबार बिहान पहिराेले घर पुरिँदा बेपत्ता भएका पाँचै जनाको शव भेटिएको छ । गएराति थप दुई जनाको शव भेटिएको हो । शुक्रबार दिउँसो तीन जनाको शव भेटिएको थियो ।

    जिल्ला प्रहरी कार्यालयका सूचना अधिकारी मदन गिरीका अनुसार घरमूली ६० वर्षीय हुमबहादुर गाहा र उनकी श्रीमती ५० वर्षीया हुमीसरा गाहाको गएराति शव भेटिएको हो । शुक्रबार दिउँसो कृष्णमाया गाहा, लक्ष्मी गाहा, र खुसीसारा आलेको शव भेटिएको गाउँपालिका अध्यक्ष विष्णु भण्डारीले जानकारी दिनुभयो ।

    ठूलो पानी परेकाले बिहीबार खोजीकार्य हुन सकेको थिएन । बर्षा कम भएसँगै शुक्रबार बिहानदेखि नै नेपाल प्रहरी, सशस्त्र प्रहरी, नेपाली सेना र स्थानीयको सक्रियतामा खोजीकार्य तिब्र भएपछि शव भेटिएको हो ।