निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : चिकित्सा क्षेत्र सुधारको माग गर्दै १९ औं पटक सत्याग्रहमा बस्नुभएका डा. गोविन्द केसीको पक्षमा युथ काङ्ग्रेस तनहुँले शनिबार दमौलीमा प्रदर्शन गरेको छ । डा. केसीले उठाउनुभएको माग पूरा गर्न र उहाँको जीवन रक्षाको माग गर्दै युथ काङ्ग्रेसले प्रदर्शन गरेको हो ।
पटक–पटक सत्याग्रहमा बस्दा डा. केसीसँग सहमति भएपनि सहमति कार्यान्वयन नभएको भन्दै केसीले उठाएका माग जायज पूरा गराउन दबाब दिने उद्देश्यले शान्तिपूर्ण रुपमा प्रदर्शन गरिएको युथ काङ्ग्रेस तनहुँका अध्यक्ष राजेशकुमार श्रेष्ठले जानकारी दिनुभयो । डा. केसीका माग पूरा नभए थप आन्दाेलनका कार्यक्रम सार्वजनिक गरिने श्रेष्ठले बताउनुभयाे ।
प्रदर्शनमा ‘डाक्टर केसीको अनसन : मेडिकल माफियालाई टेन्सन’, ‘कर्णाली विज्ञान प्रतिष्ठानमा एमबीबीएस पढाई तत्काल शुरु गर’, ‘गोविन्द केसीको जीवन रक्षा गर’, ‘दूर दराजमा मेडिकल शिक्षा खै ?’ लगायतका नारा प्रदर्शन गरिएको थियो ।
