निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
तनहुँ : तनहुँको व्यास नगरपालिका-५ चापाघाटस्थित वेदव्यास ज्येष्ठ नागरिक आश्रममा इन्टरनेट जडान गरिएको छ । रोटर्याक्ट क्लव अफ वेदव्यासले वल्डलिङ्क कम्युनिकेशन दमौली शाखाको सहकार्यमा आश्रममा इन्टरनेट जडान गरिदिएको हो ।
वृद्धाश्रमका ज्येष्ठ नागरिकलाई इन्टरनेटको पहुँचमा ल्याउने उदेश्य सहित इन्टरनेट जडान गरिएको क्लवकी अध्यक्ष सन्जु घलेले जानकारी दिनुभयो । इन्टरनेट जडान गरेसँगै आश्रमका वृद्धवृद्धा खुशी भएका छन् ।
“आश्रममा टिभी छ, टिभीमा युट्युबबाट भजन हेरेर उहॉहरुले दिन बिताउन सक्नुहुन्छ,” घलेले भन्नुभयो । वेदव्यासले सोही आश्रममा साक्षरता अभियान पनि सञ्चालन गरिरहेको छ ।
