प्रदेश ५ को राजधानी दाङको भालुवाङ गर्ने प्रदेश सरकारको निर्णय
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • लुम्बिनी

    प्रदेश ५ को राजधानी दाङको भालुवाङ गर्ने प्रदेश सरकारको निर्णय

    खबरपुञ्ज संवाददाता

    १५ आश्विन २०७७, शुक्रबार

    बुटवल : प्रदेश ५ सरकारले प्रदेशको स्थायी राजधानी दाङको भालुवाङ बनाउने निर्णय गरेको छ। शुक्रबार बसेको प्रदेश मन्त्रीपरिषद्को बैठकले सो निर्णय गरेको एक मन्त्रीले जानकारी दिनुभयाे । सत्तारुढ दल नेकपाको शीर्ष तहमा पनि भालुवाङमा स्थायी राजधानी बनाउने सहमति जुटेको थियो।

    सोही सहमति अनुसार प्रदेश सरकारको मन्त्रिपरिषदले दाङको भालुवाङ बजारलाई केन्द्रमा राखेर राप्ती, गढवा र अर्घाखाँचीको शीतगंगा गाउँपालिकालाई जोडेर प्रदेश राजधानी बनाउने निर्णय गरेको प्रदेश ५ का सामाजिक विकासमन्त्री सुदर्शन बराल मन्त्रीले जानकारी दिनुभयाे ।

    प्रदेश बनेको लामो समयसम्म पनि स्थायी राजधानी र नाम तोक्न नसकेको भनेर आलोचना भइरहेको थियो । यसअघि प्रदेशको राजधानी बुटवल बनाउन दबाब थियो। अहिले अस्थायी राजधानी बुटवलमैं रहेकाे छ। साे प्रदेशकाे नाम पनि ताेक्ना बाँकी नै छ। केही समयअघि प्रदेश ३ ले स्थायी राजधानी हेटौडा राख्ने निर्णय गरेको थियो। अब प्रदेश १ र २ को मात्र स्थायी राजधानी टुंगो लगाउन बाँकी छ।