निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
एजेन्सी : स्पेनिस ला लिगा अन्तर्गत रियल म्याड्रिड विजयी भएको छ । आइतबार सम्पन्न खेलमा रियल म्याड्रिडले लेभान्टेलाई २-० गोल अन्तरले पराजित गरेको हो । रियल म्याड्रिडको जितमा भिनिसियस जुनियर र करिम बेन्जमाले एक एक गोल गरेका थिए । खेलको १६औ मिनेटमा भिनियसले गोल गर्दै रियललाई शुरुवाती अग्रता दिलाएका थिए भने खेलको इन्जुरी समयको ९५औ मिनेटमा बेन्जमाले रियलको अग्रतालाई दोब्बर पारेका थिए ।
यस सिजनमा रियल म्याड्रिडको यो तेस्रो जित हो । अहिलेसम्म चार खेल खेलेको रियल म्याड्रिड एक खेलमा बराबरीमा रोकिएको थियो । ४ खेलमा १० अंकसहित रियल लिगको शिर्ष स्थानमा उक्लिएको छ । त्यस्तै लेभान्टेले भने यस सिजनमा यो सहित ३ खेलमा हार बेहोरेको छ भने एक खेलमा जित हासिल गरेको छ ।
