निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
पाेखरा : गण्डकी प्रदेशमा पछिल्लो २४ घण्टामा १६० जना कोरोना सङ्क्रमित थपिएका छन् । योसँगै प्रदेशमा कोरोना सङ्क्रमितको सङ्ख्या ४ हजार १७५ पुगेको गण्डकी प्रदेश स्वास्थ्य निर्देशनालयले जनाएको छ ।
आइतबार थपिएका सङ्क्रमितहरुमा सबैभन्दा धेरै नवलपरासी पूर्वका १०० जना छन् । त्यसैगरी तनहुँका २७ जना, बाग्लुङका १८ जना, लमजुङका ६ जना, कास्कीका ४ जना तथा स्याङ्जा र गोरखाका २ २ जना रहेको निर्देशनालयका वरिष्ठ स्वास्थ्य शिक्षा प्रशिक्षक नवराज शर्माले जानकारी दिनुभयाे । प्रदेशमा कोरोना सङ्क्रमणका कारण हालसम्म ३४ जनाको मृत्यु भएको छ भने दुई हजार ८८२ जना निको भएका छन् ।
प्रदेशमा सक्रिय सङ्क्रमितको सङ्ख्या एक हजार २५९ पुगेको निर्देशनालयले जनाएको छ ।
