Khabar Punja

तनहुँ : तनहुँको भानु नगरपालिका–१० दुधेकुनाका तीन जना बालिकालाई जबरजस्ती करणी गरेको अभियोगमा दुई जना पक्राउ परेका छन् । स्थानीय १२, ९ र ११ वर्षीया बालिकालाई जबरजस्ती करणी गरेको अभियोगमा प्रहरीले सोही ठाउँका ७२ वर्षीय बलराम सापकोटा र १६ वर्षीय किशोरलाई शनिबार राति पक्राउ गरेको हो ।

ती बालिकाहरुलाई जबरजस्ती करणी गरेको भन्ने खबर प्राप्त हुनासाथ प्रहरी चौकी पुर्कोटबाट खटिएको प्रहरीले उनीहरुलाई पक्राउ गरेको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो । पक्राउ परेका हजुरबुबा र नाति भएको खुलेको छ । प्रनाउ तिमिल्सिनाले घटना सम्बन्धमा थप अनुसन्धान भइरहेको र पक्राउ परेकाविरुद्ध म्याद थपको तयारी भइरहेको जानकारी दिनुभयो ।