निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ : देवघाट क्षेत्र विकास समितिका नवनियुक्त अध्यक्ष बद्रीप्रसाद अधिकारीलाई बुधबार समितिको कार्यालयमा स्वागत गरिएको छ । अधिकारीलाई समितिका कार्यकारी निर्देशक धिरणबाबु घिमिरे र समितिका कर्मचारीहरुले स्वागत गर्नुभयो ।
कार्यक्रममा देवघाट गाउँपालिकाका अध्यक्ष दुर्ग बहादुर थापाले गाउँपालिकाको समग्र विकासका लागि सबसँग समन्वय गरेर अगाडी बढ्ने बताउनुभयो। देवघाट क्षेत्र विकास समितिका निवर्तमान अध्यक्ष शिवराज पौडेलले देवघाटधाम निकै सुन्दर भूगोल र नेपालकै एक पर्यटकीय सम्भावना रहेको ठाउँ भएतापनि देवघाटधाम विकासका निम्ति सरकारको ध्यानाकर्षण खासै हुन नसकेको बताउनुभयो ।
कार्यक्रममा नवनियुक्त अध्यक्ष अधिकारीले देवघाट क्षेत्र विकासका लागि कुनै पनि कसर नराखी काम गर्ने प्रतिबद्धता व्यक्त गर्नुभयो ।
