निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ : तनहुँको शुक्लागण्डकी नगरपालिका–८ ढोरफिर्दीमा सञ्चालित दन्त शिविरमा तीन सय ४८ जनाले सेवा लिएका छन् । शुक्लागण्डकी नगरपालिका–८ वडा कार्यालयको आयोजना र सहयात्री नेपाल काठमाडौको प्राविधिक सहयोगमा बिहीबारदेखि शुरु शिविरको पहिलो दिन तीन सय ३८ जना लाभान्वित भएका हुन् ।
ग्रामीण भेगमै दाँत परीक्षणको सुविधा उपलब्ध गराउन शिविर आयोजना गरिएको वडाध्यक्ष कृष्णप्रसाद रेग्मीले जानकारी दिनुभयो । “बेला बेलामा अन्य विभिन्न प्रकारका शिविर हुने भएपनि दाँत परीक्षण शिविर हुन सकेको थिएन,” उहाँले भन्नुभयो, “गाउँमै शिविर आयोजना गरिएपछि स्थानीयवासीलाई सजिलो भयो ।” शिविर शुक्रबारपनि सञ्चालन हुनेछ ।
शिविरमा दाँत र गिजा सम्बन्धी सम्पूर्ण परीक्षण, दाँत भर्ने, दाँत सफा गर्ने, दाँत उखेल्नुका साथै निःशुल्क औषधी समेत वितरण गरिएको छ । दाँत परीक्षणका लागि दुलेगौडा बजारमै आउनुपर्ने बाध्यता रहेका यहाँका स्थानीयवासी गाउँमै दाँत परीक्षण गराउन पाएपछि खुशी भएका छन् ।
