निष्पक्ष र विश्वसनीय खबरको सँगालो 
Khabar Punja
२४ पुष २०८१, बिहीबार
एजेन्सी : युरो कप फुटबल अन्रतग आजदेखि नक आउट चरणका खेल सुरु हुँदैछन् ।
अन्तिम १६ को पहिलो खेल आज राति पौने १० बजे वेल्स र डेनमार्कले नेदरल्यान्ड्सको जोहान क्रुफ एरिनामा खेल्दैछन् । साथै राति पौने १ बजे इङ्ल्यान्डको वेम्बली स्टेडियममा इटाली र अष्ट्रिया भिड्दै छन् ।
वेल्स समूह ‘ए’ को उपविजेता बन्दै नकआउट चरणमा पुगेको हो । समूह चरणको पहिलो खेलमा स्विट्जरल्यान्डसँग १–१ गोलको बराबरी खेलेको वेल्सले दोस्रो खेलमा टर्कीलाई २–० गोल अन्तरले पराजित गरेको थियो । तेस्रो खेलमा वेल्स इटालीसँग १-० ले पराजित भएको थियो ।
त्यस्तै डेनमार्क समूह ‘बी’ को उपविजेता हुँदै अन्तिम १६ मा पुगेको हो । डेनमार्क समूह चरणको पहिलो खेलमा फिनल्याण्डसँग १-० ले पराजित भएको थियो भने दोस्रो खेलमा बेल्जियमसँग २(१ ले पराजित भएको थियो । तर, अन्तिम खेलमा रुसलाई ४-१ गोल अन्तरले पराजित गर्दै डेनमार्क समूह उपविजेता बन्न सफल भयो ।
इटालीले समूह ‘ए’ को विजेता बन्दै नकआउट चरणको यात्रा तय गरेको हो । समूह चरणमा शतप्रतिशत जित निकाल्ने क्रममा इटालीले पहिलो खेलमा टर्कीलाई ३–० ले हराएको थियो । यस्तै दोस्रो खेलमा स्विट्जरल्यान्डलाई ३–० गोल अन्तरले पराजित गर्दा अन्तिम खेलमा इटालीले वेल्सलाई १-० ले हराएको थियो ।
समूह ‘सी’ को उपविजेता बन्दै अष्ट्रिया पहिलो पटक नकआउट चरणमा पुग्न सफल भएको हो । अष्ट्रियाले ३ खेलमा ६ अंक जोडेको थियो। अष्ट्रियाले पहिलो खेलमा नर्थ म्यासेडोनियालाई ३-१ ले हराएको थियो भने दोस्रो खेलमा नेदरल्यान्ड्ससँग २-० ले पराजित भएको थियो । अन्तिम खेलमा युक्रेनलाई १-० ले हराउँदै अष्ट्रिया नकआउट चरणमा पुगेको हो ।
