निष्पक्ष र विश्वसनीय खबरको सँगालो 
Khabar Punja
११ आश्विन २०८१, शनिबार
दुलेगौडा : शुक्लागण्डकी उद्योग वाणिज्य सङ्घ महिला उद्यमी विकास समितिको टोलीले लेखनाथ र पोखरा उद्योग वाणिज्य सङ्घ महिला उद्यमी विकास समितिको अध्ययन भ्रमण गरेको छ ।
अनुभव आदानप्रदान गर्नका लागि शुक्लागण्डकी महिला उद्यमी समितिकी सभापति तुलसीकुमारी श्रेष्ठ नेतृत्वको टोलीले लेखनाथ र पोखरा महिला उद्यमी समितीका पदाधिकारीसँग भेटघाट एवं अन्तरक्रिया गरेको हो ।
लेखनाथ उद्योग वाणिज्य सङ्घ महिला उद्यमी सभापति मेनुका श्रेष्ठले अध्ययन भ्रमणले धेरै कुरा सिक्न सकिने बताइन् । सो क्रममा निर्माणाधीन पोखरा अन्तराष्ट्रिय विमानस्थलको समेत अवलोकन गरिएको थियो ।
भ्रमण अति नै फलदायी भयको र यस भ्रमणको अनुभवले शुक्लागण्डकीमा व्यवसायी गरिरहेका महिला उद्यमीलाई शसक्तीकरणका साथ पेशामुखी बनाई आत्मनिर्भर बनाउन प्रेरित गर्ने शुक्लागण्डकी उद्योग वाणिज्य सङ्घ महिला उद्यमी सभापति तुलसीकुमारी श्रेष्ठले बताइन् ।
