निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
दुलेगौडा : तरुण दल शुक्लागण्डकी नगर समितिका सभापति सिद्धान्त क्षेत्री (अनन्त फुयाल क्षेत्री) ले नेपाली काङ्ग्रेस शिक्षा विभागको सदस्य पद अस्वीकार गरेका छन् । उनले काङ्ग्रेस शिक्षा विभागको सुझाव सङ्कलन कार्यदल गण्डकी प्रदेशको सदस्य पद अस्वीकार गरेका हुन् ।
क्षेत्रीलाई विभाग प्रमुख हरिप्रसाद नेपालले गत फागुन २८ गते उक्त पदमा मनोनित गरेका थिए । क्षेत्रीले शनिबार विज्ञप्ती सार्वजनिक गरेर एक व्यक्ति एक पद हुनुपर्छ भन्ने मान्यताका साथ उक्त पद अस्वीकार गरेको बताएका छन्।
“हाल म शुक्लागण्डकी नगरपालिका तनहुँमा तरुण दलको नगर सभापतिको पदमा वहाल अवस्थामा नै रहेको छ,” उनले भने, “यसअघि पनि पार्टीको भूमिकामा रहिआएको र पार्टीका हरेक तह र तप्कामा एक व्यक्ति एक पद हुनुपर्छ भन्ने मान्यता राख्ने भएकोले एकै समयमा दुई पदको जिम्मेवारी वहन नगर्ने जानकारी गराउँदै विभागद्वारा मनोनित उक्त पद स्वीकार गर्न असमर्थ भएको अनुरोध गर्दछु।”
