भानु : हरितालिका तीज पर्वको अवसरमा भानु नगरपालिकाले सार्वजनिक बिदा दिएको छ । महिलाहरुको महान पर्वका अवसरमा नगरपालिकाले बिहीबार सार्वजनिक बिदा दिने निर्णय गरेको हो ।
प्रमुख प्रशासकीय अधिकृत भिमप्रसाद तिवारीले आज नगरपालिका, वडा कार्यालय लगायत शैक्षिक संस्थाहरु बन्द रहने जानकारी दिए । नगरपालिकाले भानु जयन्तीका अवसरमा पनि बिदा दिँदै आएको छ ।
तीजकै अवसरमा व्यास नगरपालिकाले पनि आज सार्वजनिक बिदाको निर्णय गरेको छ।