Khabar Punja

दुलेगाैडा : राष्ट्रिय युवा सङ्घका केन्द्रीय सदस्य इश्वर श्रेष्ठको गाडी तोडफोड भएको छ । शुक्लागण्डकी नगरपालिका–५ बेलचाैतारास्थित घर अगाडी रोकिराखेको गाडी गएराति तोडफोड भएको हो । ताेडफाेडबाट गाडीकाे पछाडिपट्टिकाे शिशा फुटेकाे छ ।

यस अगाडी पनि श्रेष्ठको गाडी तोडफोड भएको थियो । राष्ट्रिय युवा सङ्घले गाडी तोडफोड गर्नेको पहिचान गरी पक्राउ गर्न प्रशासनलाई अनुरोध गरेको छ । “रातको समयमा गाडी तोडफोड भएको छ,” श्रेष्ठले भने, “केही व्यक्तिमाथि शङ्का छ, प्रहरीलाई जानकारी गराउँछु ।”