निष्पक्ष र विश्वसनीय खबरको सँगालो 
Khabar Punja
२० माघ २०८२, मंगलवार
दमाैली : नेकपा एकीकृत समाजवादीकी नेतृ कलिला खानले वैकल्पिक केन्द्रीय सदस्यमा घटुवा गरिएपछि गुनासो गरेकी छन् । नेकपा एमालेबाट विभाजन भएर नयाँ पार्टी दर्ता गर्दा केन्द्रीय सदस्य रहेकी खानले हालै मात्र वैकल्पिक केन्द्रीय सदस्य बनाइएपछि गुनासो गरेकी हुन् ।
वैकल्पिक केन्द्रीय सदस्य बनाइएकोमा सामाजिक सञ्जालमार्फत् गुनासो व्यक्त गर्दै प्रतिनिधिसभा सदस्य समेत रहेकी खानले भनिन्, “पार्टी दर्ता गर्ने बेलामा सनाखत गर्दा म केन्द्रीय कमिटी सदस्य, अहिले फेरि म वैकल्पिकमा किन पुगे ? ।” एमाले हुँदा चार पटक जिल्ला कमिटी सदस्य र अनेमसङ्घको उपाध्यक्ष भएर काम गरेको भन्दै खानले केन्द्रीय कमिटी सदस्यमा लायक नभएको भए पार्टी दर्ता गर्दा किन केन्द्रीय सदस्य राखियो भनेर प्रश्न गरेकी छन् ।
“जिल्लाका कार्यक्रममा पनि केन्द्रीय सदस्य भनियो, यो सम्मान हो की अपमान,” उनले भनेकी छन्, “गलत प्रवृत्तिको विरोध गर्दै आएको मान्छे हुँ, आज पनि गलतलाई गलत भन्ने हैसियत राख्छु ।”
