निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
काठमाडौ : श्रम, रोजगार तथा सामाजिक सुरक्षामन्त्री कृष्णकुमार श्रेष्ठ किसान यूएइ जाने भएका छन्।
अक्टोबर २५ देखि २९ सम्म हुन लागेको छैठौ मन्त्रिस्तरीय अबुधाबी डायलगमा सहभागी मन्त्री श्रेष्ठ युएइ जान लागेका हुन् । त्यसका लागि सोमबार बसेको मन्त्रिपरिषद्को बैठकले स्वीकृति दिएको छ।
श्रमिक पठाउने र लिने देशहरुको साझा फोरम हो अबुधाबी डायलग । यसपटकको छलफल श्रमिक आपुर्ति प्रक्रियालाई थप पारदर्शी बनाउने विषयमा केन्द्रित हुने मन्त्रालयले जनाएको छ ।
त्यस्तै अवैध कामदारको आयात र निर्यातको रोकथाम, श्रमिकको हकहित र सामाजिक सुरक्षाका विषयमा पनि डायलगमा छलफल हुनेछ ।
डायलगमा श्रमिक पठाउने देशहरु नेपाल सहित भारत, पाकिस्तान, श्रीलंका, म्यानमार, थाइल्याण्ड, फिलिपिन्स, बंगलादेश र भियतनाम सहभागी हुर्दैछन । त्यस्तै श्रमिक लिने देशहरु यूएइ, मलेसिया, कतार, कुवेत, साउदी अरब, बहराइन, यमन सहभागी हुनेछन् ।
